Yevlaxda “BMW” su kanalına düşdü, sürücü... - VİDEO

Yevlaxda avtomobilin suya düşməsiylə nəticələnən yol-nəqliyyat hadisəsi baş verib.

Avtosfer.az-ın məlumatına görə, qəza bir neçə gün əvvəl səhər saatlarında qeydə alınıb.

Belə ki, “BMW” markalı avtomobil Yuxarı Qarabağ kanalına düşüb. İddiaya əsasən, maşının su kanalına düşməsinə səbəb yüksək sürət həddi olub.

Nəticədə sürücü idarəetməni itirib və avtomobil yoldan çıxaraq kanala aşıb.

Sürücü ciddi xəsarət almasa da, nəqliyyat vasitəsi sıradan çıxıb. Avtomobil hadisə yerinə cəlb olunmuş FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu tərəfindən sudan çıxarılıb.

Faktla bağlı araşdırma aparılır.

Nərmin