Yevlaxda iki maşın toqquşdu: xəsarət alanlar var

Yevlax rayonunun Malbinəsi kəndindəki körpüdə qəza baş verib. Avtosfer.az xəbər verir ki,  "Ford" markalı kiçik tutumlu iki  yük avtomobili toqquşub. Hadisə nəticəsində 2 nəfər - Yevlax rayon sakinləri - 1961-ci il təvəllüdlü Rövşən Vəliyev və 1996-cı il təvəllüdlü Xəyal Məmmədov xəsarət alıb. Onların hər ikisi xəstəxanaya aparılıb.

Qəza nəticəsində daha 2 nəfərə hadisə yerində ambulator yardım göstərilib.

Faktla bağlı araşdırma aparılır.