Yevlaxda yol qəzasında İmişli sakinləri xəsarət alıb

Yevlaxda avtovağzalın yaxınlığında yol-nəqliyyat hadisəsi baş verib. 

Avtosfer.az-ın APA-nın Mingəçevir bürosuna istinadən məlumatına görə, hadisə “VAZ 2107” markalı avtomobil “Mercedes” markalı minik maşını ilə toqquşub. 

Nəticədə “VAZ 2107”də olan İmişli rayon sakinləri – 1995-ci il təvəllüdlü Xəlilov Habil Rəsul oğlu və 1994-cü il təvəllüdlü Xəlilov Yusif Yusif oğlu müxtəlif dərəcəli bədən xəsarətləri alaraq şəhər xəstəxanasına yerləşdirilib. Vəziyyətləri orta-ağır qiymətləndirilir. 

“Mercedes”in sürücüsü isə yüngül xəsarət alıb. 

Faktla bağlı araşdırma aparılır.