Türkiyədə yola çıxan iti xilas etmək istəyən 8 yaşlı uşağı avtomobil vurub. Avtosfer.az Türk mətbuatına istinadən xəbər verir ki, qəza zamanı 8 yaşlı Kərim Doğan ağır yaralanıb. Bildirilir ki, uşağı vuran sürücü hadisə yerindən qaçıb. Polis qaçan sürücünü tutmaq üçün axtarışlara başlayıb.

Qəzanın şahidi olan Kərimin əmisi oğlu polislərə göz yaşları ilə izahat verib.

Uşağın yerdə hərəkətsiz qaldığını görən vətəndaşlar polisə və təcili yardıma məlumat verib. Hadisə yerinə gələn təcili yardım əməkdaşları uşağı xəstəxanaya aparıb. 

Xəstəxanadan verilən məlumata görə, Doğanın vəziyyəti ağır olaraq qalır.