Yolu qaçan nənə maşının üzərində 180 dərəcə fırlandı

Şütüyən avtomobillərə məhəl qoymayan yaşlı qadın özünü qəzaya sürüklədi. Avtosfer.az xəbər verir ki, sosial mediada geniş yayılan videonun görüntüləri Dubayda qeydə alınıb. Hadisədən aydın olduğu kimi avtomobillərin hərəkətinə fikir vermək istəməyən qadın anidən qaçaraq yolu keçməyə cəhd edir. Bu zaman yolun sol istiqamətindən gələn avtomobilin tam hədəfinə tuş gələrək aldığı zərbə ilə əvvəl havada uçur, daha sonra maşının üzərinə düşərək yerə yıxılır. 
Qeyd edək ki, ağır xəsarətlər alan qadını sürücü xəstəxanaya aparsa da xilas etmək mümkün olmayıb. Faktla araşdırma zamanı mərhumun qızı anasının ruhi xəstə olduğunu və bu halın bir dəfə də yaşandığını bildirib. 

Nərmin Əkbər