Yük maşını aşıb, 16 nəfər ölüb

Efiopiyanın mərkəzi hissəsində ağır yol-nəqliyyat hadisəsi nəticəsində 16 nəfər ölüb.

“Report” xəbər verir ki, bu barədə “Sinxua” xəbər agentliyi yerli hakimiyyət orqanlarına istinadən məlumat verib.

Yol qəzası Oromiya ştatında baş verib. Belə ki, yük avtomobili idarəetmədən çıxaraq yolun kənarına meyllənib və çevrilib.

Nəticədə avtomobilin yük yerində olan 16 nəfər həyatını itirib, beş nəfər yaralanıb.