Yük maşını bağbanları daşıyan mikroavtobusla toqquşdu: 1-i ağır, 8 yaralı - FOTO

Türkiyənin Muğla əyalətində mikroavtobusun və yük maşınının iştirakı ilə yol-nəqliyyat hadisəsi baş verib. Avtosfer.az xəbər verir ki, qəza Bodrum rayonunda qeydə alınıb. Bu barədə “DHA” agentliyi məlumat yayıb. 

İddiaya görə, Mustafa Özdaş idarə etdiyi yük maşını ilə hərəkətdə olarkən, qəfildən qarşısında irəliləyən minik avtomobilinin sürücüsü əyləcə basdığına görə zolaq dəyişdirib və bundan sonra qarşıdan gələn yol kənarında işləyən işçiləri daşıyan mikroavtobusla toqquşub.

Hadisə nəticəsində 8 nəfər müxtəlif dərəcəli bədən xəsarətləri alıb. Yaralılar təcili tibbi yardım briqadasının köməkliyi ilə xəstəxanaya çatdırılıblar. Onlardan birinin vəziyyətinin ağır olduğu bildirilib.

Faktla bağlı araşdırmalara başlanılıb.

Namiq Musayev