Yüksək sürət zəncirvari qəzaya səbəb oldu: 3 maşın bir-birinə girdi - ANBAAN VİDEO

Xaçmaz rayonunda baş vermiş zəncirvari qəza anbaan videoya düşüb.
Avtosfer.az-ın məlumatına görə, hadisə bir neçə gün əvvəl səhər saatlarında qeydə alınıb. Görüntüdən aydın olduğu kimi, sürətlə gələn “Priora” avtomobillərlə toqquşaraq onları yararsız vəziyyətə salıb. Belə ki, sol tərəfindən gələn “Ford Transit” markalı yük maşını yolda saxlayaraq avtomobillərin hərəkətinə maneə törədib. Əks tərəfdən gələn “VAZ-2107” markalı avtomobil və ondan arxada olan “Niva” markalı maşın dayanmağa məcbur olub. Bu zaman sürət həddini aşan “Priora”nın sürücüsü idarəetməni itirib və “07”yə, o da öz növbəsində “Niva”ya çırpılıb. Sürücülər arasında xəsarət alan olmasa da hər üç avtomobil sıradan çıxıb.

Nərmin