Yuxulu sürücü “VAZ”ı arakəsməyə çırpıb sıxılı vəziyyətdə qaldı - VİDEO

Bakı-Quba yolunun Siyəzən rayonu ərazisindən keçən hissəsində qəza baş verib.
Avtosfer.az-ın məlumatına görə, hadisə martın 14-ü səhər saatlarında qeydə alınıb. Belə ki, hərəkətdə olan “VAZ-2107” markalı avtomobil yoldan çıxaraq qəzaya uğrayıb. İddialara əsasən hadisəyə səbəb sürücünün yuxulu halda avtomobili idarə etməsi olub. Nəticədə sükanı buraxan sürücü “VAZ” beton arakəsməyə çırpıb. Qəza zamanı avtomobilə maddi ziyan dəyib. Sürücü isə maşında sıxılı vəziyyətdə qalıb. Ərazidən keçən sürücülər ona dərhal kömək göstəriblər. Onlar qısa zamanda sürücünü avtomobildən çıxarıblar.

Nərmin