Zambiyada yük maşını mikroavtobusla toqquşdu: 12 nəfər vəfat etdi

Zambiyada yük maşınının və mikroavtobusun iştirakı ilə ağır yol qəzası baş verib. Avtosfer.az xəbər verir ki, insident ötən gün Nadola şəhəri ərazisində qeydə alınıb. Bu barədə “Zambia 24” portalı məlumat yayıb.

Məlumata görə, sürücü idarə etdiyi yük maşını ilə, yoldakı maneələrdən yan keçmək üçün manevr etdiyi zaman əks zolağa çıxıb və qarşıdan gələn mikroavtobusla toqquşub. Nəticədə 11 nəfər hadisə yerində, daha 1-i isə xəstəxanada vəfat ediblər.

Bildirilir ki, yük maşını Cənubi Afrika Respublikasında qeydiyyatda olub. Sürücü polis tərəfindən saxlanılıb.

Araşdırmalar aparılır.

Namiq Musayev