Zaqatalada qəza olub, üç nəfər xəsarət alıb

Zaqatalada minik avtomobili aşıb, üç nəfər xəsarət alıb.

Avtosfer.az-ın məlumatına görə, hadisə səhər saat 8 radələrində Zaqatala-Muğanlı avtomobil yolunun Aşağı tala kəndi ərazisindən keçən hissəsində baş verib.

Hərəkətdə olan minik avtomobili idarəetmədən çıxaraq aşıb.

Qəza zamanı avtomobildə olan 3 nəfər xəsarət alaraq Zaqatala Rayon Mərkəzi Xəstəxanasına (RMX) yerləşdiriliblər.

Zaqatala RMX-dan bildirilib ki, hazırda yaralılara ilkin yardım göstərilir, şəxsiyyətləri dəqiqləşdirilir.

Faktla bağlı Zaqatala Rayon Polis Şöbəsində araşdırma aparılır.

APA