Zaqatalada qəzada ağır xəsarət alan yaralı Bakıya göndərilib

Zaqatalada baş verən yol qəzasında xəsarət alan sürücü Ülvi Xıdır oğlu Əmirovun vəziyyəti ağırlaşıb.

Avtosfer.az “Report”-a istinadən xəbər verir ki, o, bu səbəbdən Bakıdakı xəstəxanalardan birinə göndərilib.

Qeyd edək ki, Ü.Əmirovun idarə etdiyi “Mercedes” markalı avtomobil digər nəqliyyat vasitəsi ilə toqquşub. Qəza nəticəsində sürücü müxtəlif dərəcəli ağır bədən xəsarətləri alıb. Yaralı ilkin tibbi yardım üçün əvvəlcə Zaqatala Şəhər Mərkəzi Xəstəxanasına yerləşdirilib. Lakin vəziyyətinin ağır olduğu nəzərə alınaraq paytaxtdakı xəstəxanalardan birinə göndərilib. Müayinə zamanı ona açıq kəllə-beyin, bədənin müştərək travmaları diaqnozları qoyulub.

Hadisə zamanı daha bir nəfər də yüngül xəsarət alıb.

Xatırladaq ki, hadisə Zaqatala şəhəri ərazisində baş verib.

Fakt araşdırılır.