Zaqatalada qəzada xəsarət alan şəxs xəstəxanada keçinib

Zaqatalada 6 gün əvvəl yol qəzasına düşən 68 yaşlı kişi xəstəxanada ölüb.

APA-nın şimal-qərb bürosunun məlumatına görə, Zaqatala Rayon Mərkəzi Xəstəxanasında müalicə alan rayonun Danaçı kənd sakini, 1952-ci il təvəllüdlü Abdurəhman Məmmədrəsul oğlu Hudulov fevralın 6-dan 7-nə keçən gecə dünyasını dəyişib.

Qeyd edək ki, A.Hudulov fevral ayının 1-də axşam saat 23:00 radələrində idarə etdiyi qoşqulu motosikletlə yaşadığı kəndin ərazisində hərəkətdə olarkən idarəetməni itirməsi səbəbindən motosikleti aşırmışdı. Qəza zamanı o, ağır qapalı kəllə-beyin travması almışdı.

Faktla bağlı Zaqatala Rayon Polis Şöbəsində araşdırma aparılır.