Zaqatalada yol qəzasında bir nəfər ağır xəsarət alıb.

Ötən gecə saat 23 radələrində Zaqatala rayonunun Danaçı kəndində yol-nəqliyyat hadisəsi baş verib. Avtosfer.az-ın APA-ya istinadən məlumatına görə, kənd sakini, 1952-ci il təvəllüdlü Abdurəhman Məmmədrəsul oğlu Hudulov idarə etdiyi qoşqulu motosikleti aşırıb.

Qəza zamanı qapalı kəllə-beyin travması alan A.Hudulov  Zaqatala Rayon Mərkəzi Xəstəxanasının reanimasiya şöbəsinə yerləşdirilib. Onun vəziyyətinin orta-ağır olduğu bildirilir.

Faktla bağlı araşdırma aparılır.