Zəncirvari qəza: Yük maşınları və avtobus toqquşdu - VİDEO

Zabrat qəsəbəsində zəncirvari qəza baş verib. 
Avtosfer.az-ın məlumatına görə, hadisə bir neçə gün əvvəl günorta saatlarında qeydə alınıb. Görüntüdən aydın olduğu kimi, “Ford Transit” markalı nəqliyyat vasitəsi, yük maşını və avtobus toqquşub. Belə ki, “Ford” yük maşınına çırpılaraq onu aşırıb. Həmçinin aşan yük maşını qarşı tərəfdən gələn avtobusa dəyib. Nəticədə hər üç nəqliyyat vasitəsi zədələnib. Xoşbəxtlikdən sürücülər arasında xəsarət alan olmayıb.
Qeyd edək ki, qəza sosial şəbəkə istifadəçilərinin müzakirə obyektinə çevrilib. Onların əksəriyyəti hadisənin baş verdiyi yolun təhlükəli olduğunu və davamlı qəza törədildiyini bildirib.

Nərmin