"Formula 1" komandası yeni pilotunu təqdim edib

"Formula 1" üzrə dünya çempionatında iştirak edən "Alpin" yeni pilotunu təqdim edib.

Avtosfer.az "Report"a istinadən xəbər verir ki, bu barədə komandanın mətbuat xidməti məlumat yayıb.

Avstraliyalı sürücü Cek Duen heyətə cəlb olunub. Müqavilənin müddəti 2025-ci ilin sonunadək nəzərdə tutulub.

Onun komanda yoldaşı fransalı Pyer Qasli olacaq.

Qeyd edək ki, bu il Azərbaycan Qran-prisi sentyabrın 13-15-də baş tutacaq.