Bakıda kuryer motosikletin ön təkərini qaldırıb “şou” göstərdi - VİDEO

Paytaxtın Nəsimi rayonunda qaydaları kobud şəkildə pozan motosiklet sürücüsü kameraya düşüb.

Avtosfer.az-ın məlumatına görə, hadisə bir müddət əvvəl səhər saatlarında qeydə alınıb.

Kadrlardan görünür ki, “Yango” şirkətinin kuryeri idarə etdiyi motosikletlə təhlükəli hərəkətlər edib. Belə ki, “şou” göstərmək istəyən sürücü motosikletin ön təkərini havaya qaldıraraq iki zolağın arasından keçib.

Ardınca o, bununla kifayətlənməyərək işıqforun qırmızı işığında dayanmadan yolayrıcına daxil olub.

Xoşbəxtlikdən həmin vaxt piyada keçidindən istifadə edən olmayıb və digər istiqamətlərdən gələn avtomobillərlə toqquşma baş verməyib.

Nərmin