Parisdən 11 medalla qayıdırlar - ADLAR

Azərbaycan təmsilçiləri Paris-2024 Yay Paralimpiya Oyunlarını 11 medalla başa vurublar.

Avtosfer.az xəbər verir ki, paralimpiyaçılarımız nüfuzlu yarışda 4 qızıl, 2 gümüş və 5 bürünc medal qazanıb.

Belə ki, İmaməddin Xəlilov (parataekvondo), Səid Nəcəfzadə (T12 kateqoriyası), Orxan Aslanov (T13 kateqoriyası (hər ikisi uzunluğa tullanma) qızıl, Lamiyə Vəliyeva qızıl (100 metr məsafəyə qaçış) və gümüş (400 metr məsafəyə qaçış), Raman Saley gümüş (100 metr məsafəyə arxasıüstə üzmək) və 2 bürünc (100 metr məsafəyə sərbəst və “butterfly” üsulla üzmək), Sabir Zeynalov (parataekvondo, 58 kq), Vəli İsrafilov (100 metr məsafəyə brass üsulu ilə üzmək), İlham Zəkiyev (paracüdo, +90 kq) bürünc medal qazanıblar.

Qeyd edək ki, Paris-2024 Yay Paralimpiya Oyunları sentyabrın 8-də başa çatacaq.