Ralli yarışında qəza: daha iki nəfər öldü

Avstraliyada təşkil olunan “Tarqa Tasmaniya” rallisində ardıcıl ikinci faciə yaşanıb.

Apasport.az saytının məlumatına görə, qəza bu gün səhər baş verib.

Nəticədə şturman və pilot vəfat edib. Qəzada ölənlərin adları açıqlanmır.

Bundan öncə 68 yaşlı Şeyn Nevin də ölümü ilə nəticələnən hadisənin qurbanı olub. Onun şturmanı ağır xəsarət alıb.

Qeyd edək ki, bugünkü qəza yarışın 26 illik tarixində 4-cü, son iki gündə 2-ci belə hadisədir.