Altı milyard dollara ən böyük hava limanı tikiləcək

Efiopiyanın paytaxtı Əddis-Əbəbə yaxınlığında Afrika qitəsinin ən böyük dəyəri 6 milyard dollar olan beynəlxalq hava limanı tikiləcək.

“Report” xəbər verir ki, bu barədə “Fana” teleradiostansiyası məlumat yayıb.

“Ethiopian Airlines” qrupunun baş direktoru Mesfin Taseunun sözlərinə görə, bu hava limanı beş ildən sonra Bişoftu kurort şəhəri (Oromiya regionu) yaxınlığında, ölkənin paytaxtından 17 km aralıda yaradılacaq və onun sahəsi 35 kv.km olacaq.

Yeni beynəlxalq hava limanının birinci mərhələsi ildə 60 milyon sərnişinə xidmət göstərmək üçün nəzərdə tutulub və ikinci mərhələnin başa çatması ilə sərnişin tutumu 100 milyona qədər yüksələcək.

Artıq “Ethiopian Airlines” beynəlxalq konsaltinq qrupu olan “DAR” ilə Efiopiyanın yeni hava limanının dizaynını hazırlamaq üçün anlaşma memorandumu imzalayıb.