İyun ayından etibarən yanacaq doldurma DAYANDIRILIR: Sürücülər üçün gözlənilməz QƏRAR

Yeni qaydalara əsasən, 2025-ci il iyunun 1-dən etibarən Rusiyanın əksər yanacaqdoldurma məntəqələrində plastik qablara benzin doldurmaq qadağan edilir. 

Avtosfer.az xəbər verir ki, qərar təhlükəsizlik tələbləri və ekspert tövsiyələri əsasında verilib.

Yay mövsümündə bağ və təsərrüfat işləri üçün benzinə tələbat artsa da, nazik plastik qablar statik elektrik yığdığı üçün yanğın riski yaradır. Metal kanistrlər bu məqsədlər üçün daha təhlükəsiz sayılır və yalnız onlara benzin doldurulmasına icazə veriləcək. Bir çox məntəqələrdə metal qutular yerində satılacaq.

Sürücülərə tövsiyə olunur ki, əgər avtomobildən kənar məqsədlər üçün yanacaq lazım olacaqsa, öncədən metal qabla təmin olunmaq vacibdir. Yeni qaydalar qəza risklərini minimuma endirməyi hədəfləyir.(News24.az)