"Mercedes-Benz" ChatGPT-yə qoşulacaq

Mercedes-Benz ChatGPT-ni avtomobillərinin məlumat-əyləncə sistemlərinə inteqrasiya edir. Hazırda sistem ABŞ-da 1 milyona yaxın avtomobil üçün beta sınaq proqramına başlayıb. Avtomobilinizdə süni intellekt əldə etmək üçün sadəcə olaraq smartfonunuz vasitəsilə müvafiq proqramı yükləmək və ya proqram yeniləməsini birbaşa avtomobilə yükləmək lazımdır. ChatGPT-yə səsli əmrlər vasitəsilə daxil olmaq mümkün olacaq, çünki o, şirkətin MBUX-da öz səs köməkçisi ilə inteqrasiya olunacaq.

ChatGPT-ni avtomobillərdə uyğunlaşdırmaq və idarə etmək üçün Alman konserni Microsoft-un dəstəyini cəlb edib. ABŞ-dan kənarda funksiyanın işə salınması ilə bağlı hələ heç bir məlumat yoxdur.

Leyla