Sabunçuda bəzi küçələrdə yeni işıqforlar quraşdırılıb - FOTO

Bakı şəhəri, Sabunçu rayonu sakinləri küçədə işıqfor olmamasından şikayətçidirlər.

Avtosfer.az xəbər verir ki, onlar Oxu.az-a ünvanladıqları şikayətdə qeyd ediblər ki, Bakıxanov qəsəbəsi, Şərq və Gənclik küçələrinin kəsişməsində quraşdırılan işıqforlar iki ilə yaxındır işlək vəziyyətə gətirilməyib.

Daxili İşlər Nazirliyinin (DİN) Nəqliyyatı İntellektual İdarəetmə Mərkəzinin (NİİM) mətbuat katibi Ömər Xıdırov bildirib ki, sözügedən ərazidə bu vaxta qədər işıqfor olmayıb:

"Sabunçu rayonu, Bakıxanov qəsəbəsi, Şərq və Gənclik küçələrinin kəsişməsində bu vaxta qədər işıqfor olmayıb. NİİM-in əməkdaşları tərəfindən ərazidə təhlillər aparıldıqdan sonra, işlərə başlanılıb. Mərkəz tərəfindən kəsişmədə piyada işıqforları da daxil olmaqla ümumilikdə 12 yeni işıqfor quraşdırılıb və işə salınıb. Hazırda sürücü və piyadalar yoldan təhlükəsiz şəkildə istifadə edirlər".