“Yango” taksi sürücülərini lisenziya almağa stimullaşdırır və yeni bonus proqramına start verir

"Yango" onlayn taksi sifarişi servisi sentyabrın 16-dan etibarən Azərbaycanda lisenziyalı avtomobillərin sürücülərini dəstəkləmək üçün yeni bonus proqramına start verir. Artıq servisdə bonuslar lisenziyalı avtomobillərə veriləcək ki, bu da buraxılış kartı əldə etmiş sürücülər üçün əlavə üstünlük yaradır.

“Hesab edirik ki, taksi sürücüləri mütləq şəkildə avtomobilləri üçün lisenziya almalı, onlayn servislər isə buna fəal şəkildə şərait yaratmalıdır”, - servisdən bildirilib. 

Bonus proqramı çərçivəsində lisenziyalı avtomobili olan sürücülər həftədə 150 AZN-dək, lisenziyalı brend avtomobili olan sürücülər isə həftədə 170 AZN-dək əlavə qazanc əldə edə biləcəklər. Bonus proqramında iştirak etmək üçün "Yango" tərəfdaşlarının sürücüləri "Yango" sürücü tətbiqi vasitəsilə lisenziyanın fotoşəkil yoxlanışından keçməlidirlər.

Xatırladaq ki, daha əvvəl “Yanqo” servisi taksi minik avtomobilləri ilə sərnişin daşıma qaydalarına riayət etmək üçün avtomobillərin sənədlərinə fotonəzarət, nəqliyyat vasitələrinin AYNA-nın buraxılış kartı məlumat bazası vasitəsilə yoxlanması və gedişdən sonra sərnişinlərin rəylərinin öyrənilməsi kimi tədbirlər tətbiq edir.