STOP nişanına indi süni intellektlə nəzarət ediləcək - FOTO - VİDEO

ABŞ-nin Virciniya ştatında yollarda yeni nəzarət sisteminin tətbiqinə başlanılıb.

Avtosfer.az xəbər verir ki, ştat yollarında sürücülərin STOP nişanına əməl edib-etməməsinə indi süni intellektlə nəzarət ediləcək. Qayda pozuntuları vahid serverdə cəmlənəcək və polis əməkdaşları tərəfindən emal olunacaq. Lüzumsuz videolar dərhal silinəcək. Kameralar həmçinin sürücülərin piyadaya yol verib-vermədiyini də nəzarətdə saxlayacaq. Bəs bu sistem nə dərəcədə səmərəlidir?

Afinada ötən il pilot layihə çərçivəsində 8 küçədə belə kameralar yerləşdirilib. Kameralar STOP nişanı ilə birgə kəmər, telefondan istifadə, avtobus yoluna çıxma və digəq qayda pozuntularını da fiksasiya edib. Cəmi 4 gün ərzində 2500-dən çox qayda pozuntusu qeydə alınıb. Bir kamera isə xüsusilə məhsuldar olub – 4 gündən mindən çox cərimə yazmağa kömək edib.

Avstraliyanın Yeni Cənubi Uels ştatında bu sistem sayəsində 1 ildə 130 mindən çox elektron cərimə protokolu tətbiq edilib. Lakin sistemin xətaları da böyükdür. Sürücülərin 60 faizindən çoxunun kəmərlə bağlı etirazları qəbul edilib və protokollar ləğv olunub.

Vüqar