Yolu bağladılar, amma nişanı götürmək yaddan çıxdı - VİDEO

Bakıda nəqliyyat vasitələrinin hərəkəti üçün bağlanmış küçədə qalan yol nişanı ilə bağlı sürücülərdən biri videoçəkiliş apararaq redaksiyamızın qaynar xəttinə müraciət edib.

Avtosfer.az xəbər verir ki, söhbət paytaxtın Mirzə İbrahimov və Bəşir Səfəroğlu küçələrinin kəsişməsindən gedir.

Belə ki, bir neçə ay əvvəl həmin ərazidə avtomobillərin hərəkəti məhdudlaşdırılıb və piyada zonası yaradılıb. Lakin Mirzə İbrahimov küçəsində quraşdırılmış 2.4 "Stop" nişanı sökülmədiyi üçün sürücülər onun qarşısında məcburi dayanma edirlər.

Ümid edirik ki, hərəkətin təşkili ilə məşğul olan aidiyyəti qurumlar qısa müddətdə bu uyğunsuzluğu aradan qaldıracaq və yol nişanlarını mövcud hərəkət sxeminə uyğunlaşdıracaqlar.

Fərid