Polis sürücüyə bir dəfəyə 58 cərimə balı yazdı

İtaliya polisi sükan arxasında dayanmadan 17 saat vaxt keçirən yük avtomobili sürücüsünü saxlayıb. 

Avtosfer.az xəbər verir ki, sürücü qanunvericiliyin tələblərini pozduğu üçün 995 avro cərimə olunub və 58 cərimə balı yazılıb. Onun nəqliyyat vasitəsini idarə etmək hüququ da 75 gün müddətinə məhdudlaşdırılıb. Polis bildirib ki, bu cür sürücülər potensial təhlükə mənbəyidir. 

Avropa İttifaqı qanunvericiliyinə görə sürücünün günlük iş vaxtı 10 saatı keçməməlidir. Bundan sonra o, yalnız istirahət edə bilər. İş rejiminə taxoqrafla nəzarət edilir.

Vüqar