Yol polisi fəhlələrə və kommunal işçilərinə hədiyyələr verdi - VİDEO

Baş Dövlət Yol Polisi İdarəsi sürücüləri Dünya Azərbaycanlılarının Həmrəyliyi günü və Yeni il münasibətilə təbrik edib. İdarə əməkdaşları nümunəvi sürücülərə, kommunal işçilərinə və uşaqlara hədiyyələr verib, onlarla profilaktik söhbətlər aparıblar. 
Avtosfer.az xəbər verir ki, tədbir BDYPİ-nin “Ekologiya”, “Saray” və “Müşfiqabad” postlarında baş tutub. 
İdarənin inspektoru polis leytenantı Elvin Hacıyev sürücüləri yolda diqqətli olmağa çağırıb. “DYP əməkdaşları bayram günlərində gücləndirilmiş iş rejimində çalışacaqlar. Əziz sürücülər sizə də, ehtiyyatlı və təhlükəsiz yol arzu edirik. Nəqliyyat vasitəsində yuxulu və yorğun olduğunuz vaxt istənilən posta yaxınlaşaraq qısamüddətli istirahət şəraitindən istifadə edə bilərsiniz.”
Qeyd edək ki, sürücülər onlara göstərilən diqqətə görə yol polislərinə təşəkkürlərini ifadə ediblər.

Nurlan Sakitoğlu