Yol polisləri körpənin həyatını belə xilas etdi – ANBAAN VİDEO

Bakı-Quba yolunda avtomobildə qıcolma keçirən körpənin köməyinə Baş Dövlət Yol Polisi İdarəsi, Yol Patrul Xidməti Alayının 1-ci tağımının əməkdaşları (Saray postu) çatıb. Bu barədə Avtosfer.az-a Baş Dövlət Yol Polisi İdarəsindən məlumat verilib. 
Azyaşlının qəfildən vəziyyəti pisləşib və valideyinləri YPX əməkdaşlarına müraciət edib. Dərhal müdaxilə edən inspektorlar partul avtomobili ilə körpəni xəstəxanaya çatdırıblar. Həkimlərin müdaxiləsindən sonra azyaşlının həyati təhlükəsi aradan qalxıb. 
Körpənin valideyinləri YPX əməkdaşlarına təşəkkürlərini bildiriblər.