Çində sürücüsüz avtomobil sınaq vaxtı yandı - FOTOLAR

Çinin Pony.ai şirkətinə məxsus sürücüsüz avtomobil yanıb.

Avtosfer.az xəbər verir ki, Pekində baş verən hadisənin fotoları sosial şəbəkədə paylaşılıb.

Belə ki, Pony.ai-nin sürücüsüz sınaq avtomobili naməlum səbəbdən idarəetmədən çıxaraq yolun kənarındakı yaşıl zolağa çıxıb və bundan sonra yanmağa başlayıb. Həmin vaxt salonda sərnişin olmayıb. Şirkət əməkdaşları siqnalı aldıqdan sonra hadisə yerinə gəliblər və yanğın qısa zamanda söndürülüb.

Hazırda yanğının hansı səbəblərdən baş verdiyi araşdırılır.

Namiq Musayev