Bakıda vətəndaş məşhur restorandan sifariş vermək istədi, ata görə qəbul etmədilər - VİDEO

Paytaxtda yaşanan qeyri-adi hadisə sosial şəbəkələrdə maraqla qarşılanıb.

Avtosfer.az xəbər verir ki, şəhər sakinlərindən biri “McDonald’s” restoranına at belində gələrək sifariş verməyə cəhd edib. Görüntülərdən aydın olur ki, o, avtomobillərin sifariş qəbul nöqtəsinə yaxınlaşaraq adi müştəri kimi menyudan yemək sifariş etmək istəyib.

Lakin restoranın əməkdaşları bu qeyri-adi vəziyyət qarşısında sifarişi qəbul etməkdən imtina ediblər. Onlar bildiriblər ki, at nəqliyyat vasitəsi kimi qəbul edilmir və təhlükəsizlik qaydalarına əsasən, sifariş yalnız avtomobil və ya motosikletlə gələn müştərilərdən götürülə bilər.

Müştəri isə buna etiraz edərək sifarişinin at üzərində qəbul olunmasını tələb edib. O, özünü digər nəqliyyat vasitələrindən fərqli saymadığını və sifariş vermək hüququnun olduğunu deyib. Lakin restoran əməkdaşları qaydaların dəyişdirilə bilməyəcəyini vurğulayaraq, yalnız müştəri atdan düşdüyü və ya piyada qaydada sifariş verdiyi halda onu qəbul edə biləcəklərini bildiriblər.

Müştəri isə istəyi qəbul olmadığını üçün. ərazidən uzaqlaşıb.

Eltac Zülfüqaroğlu