Bu dairəyə girən avtobus sürücüləri ya qəza törədir, ya da qayda pozmalı olur - SƏBƏB NƏDİR? - VİDEO

Paytaxtın Binəqədi rayonu Abay Kunanbayev və Süleyman Sani Axundov küçələri arasındakı dairədə yol qəzası baş verib.

Bu barədə təlimçi Arzu Babazadə Avtosfer.az-a video və fotomateriallar göndərib. Hərəkətdə olan “BakuBus” MMC-yə məxsus 77-JS-496 dövlət nömrə nişanlı “BYD” markalı sərnişin avtobusu ən sol zolaqdakı “KIA” markalı maşınla toqquşub. Təlimçi bildirib ki, sözügedən ərazidə yol-nəqliyyat hadisələri tez-tez qeydə alınır.

Onun sözlərinə görə, qəzaların dördüncü, yəni ən sol zolağın sürücülər tərəfindən mütəmadi olaraq zəbt olunması səbəbindən baş verir. O qeyd edib ki, yol-nəqliyyat hadisələrinə digər bir səbəb isə sağ tərəfdə yerləşən maşın təmiri məntəqələrinin önündə dayanmış avtomobillərdir. Nəticədə dairəyə daxil olan avtobus sürücüləri radiusu düzgün götürə bilmədikləri üçün ya dördüncü cərgədə park edilmiş maşınlara çırpılırlar, ya da qəzadan yayınmaq üçün təhlükəsizlik adacığının üzərinə çıxaraq hərəkət etməli olurlar.

Təlimçi, qeyd olunan ərazidə yol nişanlanma xətlərinin də solduğunu və bu halın sürücülərin qayda pozmasına şərait yaratdığını əlavə edib. 

Nərmin