390 minlik maşını aşıran adam: "Sabah birini də alacam" – VİDEO

Britaniyanın Lesterşir qraflığında “Lamborghini Gallardo” avtomobilini yolun kənarındakı dirəyə çırpan sürücü kefini belə pozmayıb. Avtosfer.az-ın anspress-ə istinadən məlumatına görə, dəyəri 250 min funt sterlinq (təxminən 390 min manat) olan avtomobil tamamilə sıradan çıxıb. Hadisə şahidlərinin sözlərinə görə, yol-nəqliyyat hadisəsi sürücü tərəfindən sürət həddinin aşması nəticəsində baş verib. Dirəyə girən “Lamborghini Gallardo”nun arxa təkəri tamamilə qopub və bir neçə metr uçub. 

Qəzadan sonra avtomobilin sahibi gülərək maşından çıxıb və lovğalanaraq deyib ki, sabah bu maşının daha birini özünə alacaq.