“Audi” daha az aqressiv dizaynlı avtomobillər hazırlayır

“Audi” gələcəkdə daha az aqressiv dizaynı ilə qaşımıza çıxacaq. Şirkət elektromobil nəqliyyat vasitələri ilə yanaşı, görüntüdə də dəyişikliyə imza atır. Alman avtomobil istehsalı olan “Audi”, 2026-cı ilə qədər 20-dən çox model nümayiş etdirməyi planlayır. Önəmli məqam şirkətin dizaynda dəyişiklik edərək, daha yumşaq cizgilərə sahib avtomobillərə yer verməyə çalışmasıdır.

Avtosfer.az xəbər verir ki, “Audi”nin dizayneri Marc Lichte son müsahibəsində bununla bağlı açıqlama verib. O, avtomobilin son modelini nümunə göstərərək daha isti və yumşaq dizayna yer veriləcəyini bildirib. Bundan başqa Lichte öncə salonun, ondan sonra avtomobilin çöl hissəsinin dizayn işlərinə başlanıldığını qeyd edib. Həmçinin o, bu dəyişiklikdə Rusiya-Ukrayna müharibəsinin təsirini də vurğulayıb.

Nərmin Əkbər