Avro-7 standartı: Tormozla bağlı tələb

2027-ci ildə qüvvəyə minəcək Avro-7 standartı əvvəlkindən təkcə normaların sərtliyi ilə fərqlənmir.

Avtosfer.az xəbər verir ki, təkər və tormozla bağlı tələblər də daxil edilib. 
Təkərlə bağlı tələblər hələ dəqiqləşməyib. 
Tormozla bağlı norma isə aydındır və Avropa Komissiyasının saytında əks olunub: “Tormoz hissəciklərinin (tormozlama zamanı ayrılan xırda hissələr, toz – red.) maksimal həcmi elektromobillər üçün hər kilometrə 3 milliqram, daxili yanma mühərrikli və hibrid avtomovillər üçün hər kilometrə 7 milliqram, aztonajlı avtomobillər üçün hər kilometrə 311 milliqram müəyyən edilib”. 

Detallara varmadan deyə bilərik ki, 2023-cü ildə istehsal olunmuş avtomobillərdən bu normada müəyyən ediləndən azı 3 dəfə çox tormoz hissəciyi yaranır.

Vüqar