Avropanın avtomobil sənayesi 4,7 milyard dollar gəlir əldə edəcək

Avropa İttifaqı (Aİ) və ABŞ arasında ticarət sazişi Avropanın avtomobil sənayesinə əlavə olaraq təxminən 4,7 milyard dollar qazandıracaq. Avtosfer.az TASS-a istinadən xəbər verir ki, bu qiymətləndirməni “Bloomberg” agentliyi aparıb. Apreldə ABŞ Prezidenti Donald Tramp avtomobil idxalına rüsumu 25 faiz bəndi artırmışdı. Brüsselin Vaşinqtonla yeni sövdələşməsi tarif dərəcəsinin 15 %-ə endirilməsini nəzərdə tutur. Bununla belə, Avropa şirkətləri yeni ticarət rejiminə uyğunlaşmalı olacaqlar, çünki Tramp rüsumları artırmazdan əvvəl göstərici 2,5 % səviyyəsində idi. Avtomobil istehsalçıları seçim etməli, yəni ya qiymətləri artırmalı, ya da istehsalın bir hissəsini ABŞ-yə köçürməli olacaqlar”.