Avtomobili 200-lə sürən məşhuru polis həbs etdi  - FOTO

ABŞ-da və dünyada ən populyar teleseriallardan birinə çevrilmiş "Walking Dead"in ulduzlarından biri həbs olunub. Avtosfer.az xarici mətbuata istinadən xəbər verir ki, hadisə Corciya ştatındakı Piçtri Siti şəhərində baş verib. Polis 200 km/saat sürətlə gedən avtomobili dayandıranda sükan arxasındakı şəxsin narkotik maddə qəbul etdiyi aşkarlanıb. Həmin adam populyar aktyor, "Walking Dead" teleserialında keşiş rolunu oynayan Set Gilliamdı. Polislərin dediklərinə görə, narkotik maddənin təsirindən başı dönmüş aktyor "Cəhənnəmdən qaçmış yarasa" kimiydi.

Aktyor polislərə "yalnız 3 stəkan pivə, bir qədəh kokteyl içmişəm" desə də, polis müayinə aparıb və Gilliamı həbs edib.

Ötən həftənin sonlarında isə "Walking Dead" və "Wire" seriallarındakı rolları ilə daha da məşhurlaşmış aktyor Çad Koulman Nyu-Yorkdakı qatarda sərxoş vəziyyətdə saxlanmışdı.

Fidan