Avtomobili cərimə meydançasından çıxartmaq üçün nə qədər rüsum ödəməliyik? - MƏBLƏĞ

Son vaxtlar yol hərəkəti qaydalarının pozulması səbəbilə avtomobillərin cərimə meydançalarına — daha çox “ştrafnoy” kimi tanınan duracaqlara aparılması halları artıb. Bu isə sürücülər arasında “avtomobil duracağa qoyulanda nə qədər rüsum ödənilir?”, “hansı halda ödəniş tələb olunmur?” kimi sualları aktuallaşdırır.

Avtosfer.az-ın məlumatına görə, mövzu ilə bağlı Konkret.az-a danışan hüquqşünas Tağı Hüseynov bildirib ki, avtomobil duracağa qoyulduğu gün gecə saat 12:00-a qədər götürülərsə, heç bir rüsum ödənilmir.

“Əgər avtomobil gecə saat 12-ni keçdikdən sonra duracaqdan çıxarılarsa, bu halda avtomatik olaraq bir gün hesablanır. Minik avtomobilləri üçün rüsum günə 1 manat təşkil edir. Rüsum avtomobilin duracaqda qaldığı günlərin sayına uyğun olaraq hesablanır”.

Qeyd edək ki, bu qayda yalnız rəsmi duracaqlara (ştrafnoya) aparılan nəqliyyat vasitələrinə şamil olunur.