Avtomobilin arxa şüşəsinə qoyulan monitor qanunsuzdur - VİDEO

Bəzi sürücülər daha fərqli görünüş üçün avtomobillərinə əlavə avadanlıqlar quraşdırırlar. Buna müxtəlif monitorları, səsgücləndiriciləri və s. misal göstərmək olar. Sosial şəbəkələrdə maraqlı bir görüntü də yayılıb. Belə ki, paytaxtda avtomobillərdən birinin arxa şüşəsinə hansısa texniki vasitələrin köməyilə müəyyən görüntülərin əks etdirildiyi haqda video yayılıb. Bəs görəsən qanunvericilikdə bu məsələ necə şərh edilir?

Bakıda çəkilən bu görüntülər sosial şəbəkələrdə geniş müzakirələrə səbəb olub. Görüntüyə əsasən avtomobilin hərəkətdə olub-olmadığını müəyyən etmək çətindir. Ekspertlər hesab edir ki, arxa şüşəyə əlavə avadanlıqlara görüntünün əks etdirilməsi hərəkət zamanı olduqca təhlükəlidir. Avtomobil aksesuarlarının satıldığı məntəqələrlə maraqlandıq. Belə monitorların satışda olmadığını bildirdilər. Ehtimal ki, oxşar texniki vasitəslər xaricdən sifarişlə gətirirlib. Əksər sürücülər bundan istifadə edib, avtomobillərinə quraşdıra bilər. Amma «Yol hərəkəti haqqında» qanunun 14-cü maddəsi bunu qadağan edir.