Avtomobillərin çatlamış şüşələri - Elə sürmək olar?

Çatlayan avtomobil şüşəsi həm sürüş təhlükəsizliyinə, həm də avtomobilin estetik görünüşünə təsir edir. Bu səbəbdən gecikmədən təmir edilməli və ya dəyişdirilməlidir. Avtomobil şüşəsində yaranan çatlaq, sürüş təhlükəsizliyinizdən tutmuş avtomobilinizin görünüşünə qədər bir çox problemin səbəbi ola bilər. Bu problemi mümkün qədər tez həll etmək, həm təhlükəsizliyiniz, həm də əlavə xərcdən qaçınmaq baxımından vacibdir.  Avtosfer.az “Valyuta.az”a istinadən xəbər verir ki, “çatlayan avtomobil şüşəsinə nə edilir?” sualının cavabı və ardıcıl nəzərə alınmalı məqamlar olduqca əhəmiyyətlidir. Bundan başqa, “çatlayan şüşəyə nə etmək lazımdır?” sualına cavab axtararkən çatlağın avtomobilin hansı şüşəsində olduğu da mühüm bir detal kimi qiymətləndirilməlidir. Məsələn, əgər avtomobilin ön şüşəsi çatlayıbsa, bu həm təhlükəsizlik, həm də sürüş keyfiyyətinə ciddi zərər vura bilər. Yan şüşələrdəki çatlaqlar isə avtomobildəki sərnişinlərin təhlükəsizliyinə təhdid yarada bilər. Ona görə də çatlayan avtomobil şüşələri mümkün qədər tez dəyişdirilməlidir.

Avtomobil şüşəsindəki çatlağın növü onun təmir edilə bilib-bilməyəcəyinə və ya mütləq dəyişdirilməli olduğuna qərar verməkdə əsas rol oynayır. Məsələn, sikkə böyüklüyündə olan və ya daş dəyən izlər şəklindəki kiçik çatlaqlar xüsusi rezin inyeksiya vasitəsilə təmir oluna bilər.

Bu üsulla şüşədəki izlər rahatlıqla aradan qaldırılır. Lakin “Böyük çatlayan şüşəyə nə edilməlidir?” sualının cavabı daha fərqli ola bilər – bu kimi hallarda təmir kifayət etməz və şüşənin dəyişdirilməsi zəruri olar. Görüş sahəsinə təsir edən çatlaqlar və ya şüşənin kənarına çox yaxın zədələnmələr üçün də mütləq dəyişdirilmə tövsiyə edilir.

Arxa və yan şüşələr əsasən temperli (istiyə davamlı) şüşə olaraq istehsal olunur. Arxa və yan şüşələrdə istilik verən tellər olur və bu cür şüşələr təmir edilə bilmir. Ən kiçik bir zədə belə bu şüşələrin dəyişdirilməsini tələb edir. Bu da temperli şüşənin öz struktur xüsusiyyəti ilə bağlıdır.

Avtomobil şüşəsində yaranan çatlaq, sürüş rahatlığını əhəmiyyətli dərəcədə azaldır. Bundan əlavə, çatlamış şüşə bir çox riski də özü ilə gətirir və ümumiyyətlə təhlükəsiz sürüş imkanı yaratmır. Buna görə də şüşədəki çatlağın ölçüsündən və yerindən asılı olmayaraq, tez bir zamanda peşəkar qiymətləndirmə və müdaxilə ilə dəyişdirilməsi tövsiyə olunur.

Avtomobilinizin şüşəsinin dəyişdirilməsi lazım gəldikdə “orijinal şüşəmi, yoxsa əvəzedici şüşəmi istifadə olunmalıdır?” sualı önəmli qərarlardandır. Hər iki seçimin üstünlükləri və çatışmazlıqları vardır.

Orijinal şüşələr, avtomobilin ilk istehsalında istifadə olunan və eyni zavodda istehsal edilən şüşələrdir. Bu səbəbdən orijinal şüşə seçmək hər zaman daha əlverişli ola bilər. Avtomobilin orijinal dizaynına və mühəndislik standartlarına tam uyğundur. Optik aydınlıq, qalınlıq və əyilmə dərəcəsi baxımından yüksək keyfiyyət təqdim edir. Bu xüsusiyyətlər sürüş zamanı göz yorğunluğunu azaldır. Eyni zamanda orijinal şüşənin istifadəsi avtomobilin satış dəyərini artıran mühüm bir faktordur. Dezavantajı isə qiymətinin daha yüksək olmasıdır.

Əvəzedici şüşələr isə avtomobilin orijinal istehsalçısından fərqli olaraq, lakin eyni standartlara uyğun istehsal edən digər şüşə firmaları tərəfindən hazırlanır. Orijinal şüşələrə nisbətən daha münasib qiymətə təqdim olunması, büdcə məhdudiyyəti olanlar üçün daha cazibədar seçim ola bilər. Həmçinin, daha rahat tapılması dəyişdirmə prosesini sürətləndirməyə kömək edir.

Lakin əvəzedici orijinal olmayan markaların mənfi xüsusiyyətləri kimi avtomobil markasının loqosunun olmaması, xüsusilə ağıllı avtomobillərdə texnoloji uyğunluq problemləri yaşanması, avtomobilin satış dəyərini aşağı salması kimi səbəblər göstərilə bilər.

Avtomobil şüşəsindəki hər bir çatlaq diqqətlə qiymətləndirilməli və təhlükəsizliyi təhlükəyə atmadan vaxtında müdaxilə olunmalıdır. Həm texniki baxışdan keçmək, həm də gündəlik sürüş təhlükəsizliyini təmin etmək üçün bu məsələyə ciddi yanaşmaq vacibdir.