Azərbaycana avtomobil idxalı azaldı

2015-ci ilin ilk 6 ayında Azərbaycana 17 640 ədəd avtomobil idxal olunub. Bu, ötən ilin eyni dövrü ilə müqayisədə 16 719 avtomobil və 1,94 dəfə azdır.

Avtosfer.az xəbər verir ki, bu barədə Dövlət Gömrük Komitəsinin (DGK) hesabatında bildirilib. Hesabata görə, ölkəyə gətirilən avtomobillərin 590 ədədi sürücü daxil olmaqla 10 nəfər və ya daha çox adam daşımaq üçün nəzərdə tutulmuş motorlu nəqliyyat vasitələri, 15 745 ədədi əsasən adamların daşınması üçün nəzərdə tutulmuş minik avtomobilləri və digər motorlu nəqliyyat vasitələri, 1 126 ədədi yük daşımaq üçün motorlu nəqliyyat vasitələri, 179 ədədi isə xüsusi təyinatlı motorlu nəqliyyat vasitələridir.