Azərbaycana gətirilən avtomobillərin sayında kəskin azalma

2015-ci ilin 4 ayı ərzində Azərbaycana 12 890 ədəd avtomobil idxal olunub. Bu ötən ilin müvafiq dövrü ilə müqayisədə 13 842 avtomobil və ya 2,1 dəfə azdır.

Avtosfer.az xəbər verir ki, bu barədə oxu.az-a Dövlət Gömrük Komitəsindən (DGK) məlumat verilib.

Belə ki, ölkəyə gətirilən avtomobillərin 303 ədədi sürücü daxil olmaqla 10 nəfər və ya daha çox adam daşımaq üçün nəzərdə tutulmuş motorlu nəqliyyat vasitələri, 11 740 ədədi əsasən adamların daşınması üçün nəzərdə tutulmuş minik avtomobilləri və digər motorlu nəqliyyat vasitələri, 645 ədədi yük daşımaq üçün motorlu nəqliyyat vasitələri, 112 ədədi isə xüsusi təyinatlı motorlu nəqliyyat vasitələridir.