Bakı küçələrində şütüyən «Niva»lı «avtoş»lar çoxalır - VİDEO

Əgər əvvəllər avtoxuliqanları «VAZ-2107» markalı avtomobillərlə görürdüksə, son zamanlar bu maşınları "Niva"lar əvəz etməyə başlayıb. Şəhər küçələrində gənclər bu avtomobillərlə müxtəlif manevrlər edərək zövq alsalar da, onların bu hərəkətləri digər sürücülər üçün böyük təhlükə mənbəyidir.

Biri avtomobili yolda anidən əks istiqamətə çevirir. Digəri isə müxtəlif manevrələr edərək yolda əsl şou göstərir. Gecə saatlarında paytaxt küçələrində hərəkət edən bu sürücülərin kobud qayda pozuntsu bir yana qalsın, başqa avtomobillər üçün də təhlükə yaradırlar.

Bu görüntüləri istər gecə, istərsə də, gündüz vaxtı paytaxt küçələrində görmək mümkündür. “Niva”ları idarə edən sürücülər də bu avtomobilləri sırf əylənmək məqsədi ilə aldıqlarını etiraf edirlər.

Ancaq unutmaq olmaz ki, əslində onların əyləncə kimi baxdıqları bu manevrlər başqalarının faciəsinə səbəb ola bilər.