Bakıda avtomobil icarəsi: qiymətlər və şərtlər necədir?- CƏDVƏL

Bakıda avtomobillərin icarəyə verilməsi halları getdikcə artmaqdadır. Müşahidələr göstərir ki bu işlə həm sadə vətəndaşlar, həm də ayrı-ayrı şirkətlər (“Rent a car”) məşğul olur.

Bir qayda olaraq fiziki şəxslər öz şəxsi maşınlarını əsasən dost-tanışa icarəyə verir, ya da internetdəki avtomobil saytlarında elan verməklə müştəri tapırlar. Markasından, istehsal ilindən asılı olaraq fərdi şəxslərin təklif etdikləri maşınların aylıq icarə qiyməti 200 manatdan 1000 manata qədər dəyişir.

Avtosfer.az xəbər verir ki, şirkətlərdə icarə qiymətləri isə xeyli yüksəkdir. Hüquqi şəxslərin təklif etdiyi maşınların aylıq icarə qiyməti 800 manatdan 3-4 min manata qədər dəyişir. Gündəlik icarə qiyməti isə təxminən 50-250 manat arasındadır. Amma şirkət maşınlarını icarəyə götürmək elə asan deyil.

Bu barədə fins.az Bakıda fəaliyyət göstərən “Rent a car” şirkətlərinin təklif etdiyi xidmətləri, şərtləri və qiymətləri araşdırıb. Araşdırma nəticəsində məlum olub ki, bu şirkətlərə ödənilən pula siqnalizasiya, mövsumə uyğun təkərlərlə təhciz olunma və sığorta xərcləri daxildir.

“Rent a car”larda hər növ minik, yük maşınları və avtobuslar icarəyə verilir. Bu nəqliyyat vasitələri ilə ölkə daxilində səyahətə getmək, toy eləmək, qonaq qarşılamaq və yola salmaq mümkündür. Maşınlar sürücü ilə və ya sürücüsüz verilə bilər. Maşınla birlikdə müştəriyə vəkalətnamə və ya yol vərəqəsi verilir. Bu sənədlər avtonəqliyyat vasitəsinin həmin adama etibar edildiyini təsdiqləyir.

“Rent a car” şirkətləri avtomobilləri müştəriyə texniki cəhətdən saz vəziyyətdə, təmiz, yanacaq çəni benzin ilə tam dolu vəziyyətdə təqdim edirlər. İcarə vaxtı bitdikdən sonra avtomobil eyni vəziyyətdə, müqavilədə qeyd olunduğu vaxtda və yerdə geri qaytarılmalıdır. Əgər maşın yuyulmamış, salonu çirkli vəziyyətdə, benzin çəni doldurulmamış qaytarılarsa, müştəri cərimə ödəməli olur.

Belə ki, avtomobili icarəyə götürən müştəri şirkətə əlavə 300 dollar da depozit qoymalıdır. Yəni, müştəri müqavilədə göstərilən öhdəliklərə əməl etməsə, əlavə cərimələr həmin məbləğdən tutulur, qalan hissə müştəriyə qaytarılır.

İCARƏYƏ VERİLƏN AVTOMOBİLLƏRİN QİYMƏT CƏDVƏLI
(taninmış şirkətlərdən biri üzrə)