Bakıda gəmi siqnalı verən «Niva» peyda olub - VİDEO

Sosial şəbəkələrdə Bakıda gəmi siqnalı verən «Niva» markalı avtomobilin videosu yayılıb. Avtosfer.az-ın məlumatına görə, iyulun 26-da Youtube kanalına yüklənən bu videonun 20 mindən çox izləyicisi olub. Niva Cars səhifəsində yayılan videodan görünür ki, «Niva» markalı avtomobil Yasamal rayonunda, Ekologiya və Təbii Sərvətlər Nazirliyinin binası qarşısında hərəkət edərkən gəmi siqnalından istifadə edir. Əslində, bunu ağır yük avtomobillərinin siqnalı ilə də müqayisə etmək olar. Lakin videonu yayanlar iddia edir ki, siqnal gəmi siqnalıdır.

Avtomobilin dövlət nömrə nişanı tam oxunmasa da, 90 TT seriyası görünür. Rəqəmlərin üstü isə bağlanıb.

Qeyd edək ki, qanunvericiliyə görə, bu cür səs siqnalından istifadə həmin siqnal qurğusu məhkəmə qarıra ilə müsadirə edilməklə 500 manatdan 800 manatadək cəriməyə səbəb ola bilər

Həmin videonu təqdim edirik:

Fərid