Bakıda qaçırılmış 3 avtomobil tapıldı – BPİ məlumat yaydı

Bakıda naməlum şəxs və ya şəxslər tərəfindən qaçırılmış bir neçə avtomobil tapılıb. Avtosfer.az Bakı şəhər Baş Polis İdarəsinə istinadən xəbər verir ki, ÇPA, Sabunçu RPİ 15-ci PB, Nəsimi RPİ 19-cu PB əməkdaşlarının keçirdikləri əməliyyat-axtarış tədbirləri nəticəsində, müvafiq olaraq, sentyabrın 17-da gecə saatlarında Zabrat qəsəbəsində 1981-ci il təvəllüdlü Elxan Bağırova məxsus, qaçırılan VAZ-21011 markalı avtomobil Abşeron rayonu Məhəmmədi kəndində tapılıb. Bundan başqa sentyabrın 7-də saat 19:30 radələrində Zabrat qəsəbəsi Şəhər şossesindən Bakı şəhər sakini 1968-ci il təvəllüdlü Maqsud Yusifova məxsus VAZ-2107 markalı avtomobil sentyabrın 17-də Pirşağı qəsəbəsində, sentyabrın 4-də gecə saatlarında Cavadxan küçəsindən 1986-cı il təvəllüdlü Bəhrəm Qasımova məxsus qaçırılan VAZ-2104 markalı avtomobil isə Bakı Beynəlxalq Avtovağzalın qarşısında saz vəziyyətdə aşkar olunub.

Hər 3 avtomobil sahiblərinə təhvil verilib.

Emin