Bakıda sürücülər niyə cərimələnir? - YPX reyd keçirdi - VİDEO

Oktyabrın 31-i bütün avtomobillər üçün texniki baxış müddəti bitsədə, hələ də avtomobili texniki baxışa təqdim etməyənlər var. Avtosfer.az atv-yə istinadən xəbər verir ki, buna görə də yol polisi reydlərə start verib. Reyddə məlum olub ki, belə avtomobillərin sayı kifayət qədərdir. Bakı şəhər Dövlət Yol Polisi idarəsinin Yasamal və Qaradağ rayonlarında aparılan reydlərində bəzi sürücülər cərimələnib. Yol Patrul Xidmətinin əməkdaşları deyir ki, bundan nəticə çıxarmayanları da cərimə gözləyir. Hər dəfə olduğu kimi bu dəfə də qanunu pozan sürücülər müxtəlif bəhanələr gətirirlər. Bəzi sürücülər isə ümumiyyətlə avtomobili nə vaxt texniki baxışa təqdim oldunacağını belə bilmir. Xatırladaq ki,  VAZ” , “Qaz”, “Moskviç”, “ZAZ”, “UAZ” və digər MDB istehsalı olan minik avtomobilləri yanvarın 1-dən mayın 1-ə qədər,  xarici dövlətlərdə istehsal olunan minik avtomobilləri mayın 1-dən avqustun 1-ə qədər, yük avtomobilləri və avtobuslar isə sentyabrın 1-dən oktyabrın 31-ə qədər texniki baxışa təqdim olunmalıdır.