Bakıda ucuz qiymətə avtomobil satıldı

Əmlak Məsələləri Dövlət Komitəsi(ƏMDK) iyulun 14-də keçirilmiş hərracda satılan nəqliyyat vasitələrinin siyahısını açıqlayıb. 

Avtosfer.az komitəyə istinadən xəbər verir ki, keçilmiş hərracda 9 ədəd avtomobil satılıb. 

Komitə bildirib ki, 2003-cü il istehsalı olan 2 ədəd Nissan Maxima 3389 və 3120 manata satılıb. 

Bundan əlavə, 3 ədəd 2006-cı il istehsalı olan Nissan Sunny 2978 manata, 2007-ci il istehsalı olan  VAZ-21214 1497 manata, 2007-ci il istehsalı olan Chery Eastar 2458 manata alınıb.

ƏMDK-nın məlumatına görə, 1997-ci il istehsalı olan Topaş Qartal 1800 manata, 2002-ci il istehsalı olan UAZ-31516 1535 manata satılıb. 

Qeyd edək ki, hərraca 17 avtomobil çıxarılmışdı, onlardan cəmi 9-u satılıb. 

Məlumat üçün bildirək ki, Bakının avtomobil bazarında 2003-cü il istehsalı olan Nissan Maximanın qiyməti 9200 dollar və ya 9659 manata, 2006-ci il istehsalı olan Nissan Sunny-nin qiyməti 7100 dollara və ya 7454 manatadır.