Bakıda yeni yol salınır - Hansı bazar söküləcək? - VİDEO

Paytaxtın Nərimanov rayonunda yerləşən keşlə bazarı söküləcək.Bu barədə Nərimanov rayonu icra hakimiyyətindən bildirilib.Buna səbəb Koroğlu metrostansiyası ilə Həsən Əliyev küçəsini birləşdirən yolun salınmasıdır.

Bakının ən böyük bazarlarından biri olan Keşlə bazarı söküləcək. Artıq bazarın sökülməsi plana da salınıb.

Nərimanov rayon İcra Hakimiyyəti Aparatının şöbə müdiri Hüseyn Cəfərov xəzərxəbər-ə deyib ki, bazarın sökülməsi Koroğlu metrostansiyası ilə Həsən Əliyev küçəsini birləşdirən yolun salınması çərçıvəsində həyata keçiriləcək.Çünki bu yol Keşlə bazarının qarşısından, yəni Yusif Vəzir Cəmənzəminli küçəsindən keçəcək. Layihə çərçivəsində bir müddət əvvəl bir sıra işlər də görülüb.

Artıq yolun bazarın ərazisindən keçəcək hissəsinin planı da hazırdır.

Bazar söküləcəyindən bazarda çalışan işçilər də xəbərdardırlar.

Keşlə bazarında işləyənlərin hansı bazara köçürüləcəyi barədə isə məlumat verilmir.