Cərimə ödəməyən sürücülərə yeni cəza mexanizmi - Maaşdan tutulacaq - FOTO
Belçikada qayda pozduğu təqdirdə cərimə ödəməyən sürücülər üçün yeni cəza sisteminin tətbiqi nəzərdə tutulur.
Avtosfer.az-ın xəbərinə görə, Federal Publik Maliyyə Xidməti (Azərbaycan Maliyyə Nazirliyinin oxşarı) bildirir ki, qayda pozanların 94%-i cərimələri vaxtında ödəyir. Cəmi 6% isə bütün tədbirlərə rəğmən ödənişdən imtina edir. Maliyyə xidmətinin yeganə cəza metodu dəbbə puludur ki, bu da səmərəli deyil.
Bu günlərdə hökumətə yeni təklif verilib. Təklifə görə, ödənməyən cərimə qayda pozan şəxsin maaşından tutulmalıdır. Lakin bu da birbaşa deyil, məhkəmə qərarı ilə olmalıdır.
Digər təklif isə ödənməyən cəriməyə görə avtomobilin cərimə meydançasına yerləşdirilməsidir. Bu halda isə prokurorun sanksiyası tələb edilir.
Bir məsələni də xatırladaq ki, Avropa ölkələrində gecikmiş kredit və ya cəriməyə görə hansısa bank müştərinin hesabından pul silə, əmlakını əlindən ala bilməz. Bu yalnız məhkəmə yolu ilə mümkündür.
Vüqar